Siðareglur - Karlakór Kópavogs

Kórfélagar skulu mæta vel á æfingar
Kórfélagar skulu mæta snyrtilegir, tímanlega og vel undirbúnir á æfingar þannig að þær geti hafist á réttum tíma.
Kórfélagar skulu tilkynna raddformanni um forföll á æfingar, aukaæfingar og aðrar uppákomur á vegum kórsins.
Kórfélagar horfa á stjórnandann, hlusta á hann og taka mark á honum.
Eftir að kórstjóri hefur slegið af lokatóninn bíða kórfélagar í þögn eftir skilaboðum um hvað skuli gerast næst.
Kórfélagar skulu, á æfingum og eftir því sem tök eru á, geyma samtöl sín á milli þar til gert er æfingahlé eða æfingu er lokið.
Kórfélagar skulu ekki tala í síma eða valda öðru ónæði meðan á æfingu stendur.
Kórfélagar skulu ekki neyta matar, drykkjar, tóbaks, tyggigúmmís eða annars sem kann að trufla æfingu meðan á henni stendur.
Kórfélagar skulu halda vel utan um nótur sem þeim hefur verið úthlutað og hafa þær með á æfingar eftir því sem æfingadagskrá gefur tilefni til.
Kórfélagar hjálpast að við að undirbúa æfingu og ganga frá eftir æfingu.
Kórfélagar ganga snyrtilega um alla æfingaaðstöðu.

Það er kurteisi við kórfélaga og stjórnanda að mæta vel á æfingar og taka vel eftir.
Góð mæting gerir allt kórstarfið skilvirkara.